خبر جمييييييل مهم تعرفه الأول هو ان: انت عندك حلم، لكن يمكن مش مكتشفه
خبر جميييييل تاني هو: انك ينفع جدا تكتشفه ( لو حابب تبقى بني ادم مش عادي)
ازاي تعرف حلمك ؟؟؟؟
– اقرب حاجه من الحاجه اللي انت بتحب تعملها قوي
– الحلم هو حاجه قريبه قوي من الحاجه اللي بتستمتع وتتبسط وبتبقى منشكح وانت بتعملها
– الحلم هو الحاجه اللي هاعملها باي شكل حتى لو الكليه حاليا مش هى اللي كنت مخطط ادخلها
– الحلم هو قريب قوي من الحاجه اللي عندك افكار كتير قوي قوي لتطريرها علشان تبقى احسن
– الحلم هو حاجه انت مستعد تعملها طول عمرك ومش هاتزهق منها
– الحلم هو الحاجه اللي بسببها هاتغير الناس وتنقلهم من نقطه هما واقفين عندها لنقطه تاني احسن وارقى واحلى واغلى بسببك انت يوصلولها
– الحلم هو الحاجه اللي تحب تعملها حتى لو ما اخدتش منها ولا مليم احمر
– الحلم هو ( الصورة والشكل) الملهم ليك وراسمه في خيالك ، محتاج منك خمس او عشر او يمكن عشرين سنه علشان يتحقق بس هايبدأ من اليوم
– الحلم هو مش ( الجواز ، الكليه ، الشغلانه ، الفلوس ، ..)
– الحلم هو الحاجه اللي عندك استعداد تموت علشان تحققها
– الحلم هو الحاجه اللي بتبهرك وهاتبهرك وهاتجننك وهاتبسطك في كل خطوه بتعملها
