– عشان كل حد فينا اولد واتربى في بيئة مختلفه تماما عن بيئة الشخص التاني ، جايز انا اهلي كانوا اصعب واشد واثروا علي تأثير سلبي واهل الشخص اللي بقارن بيه تأثيرهم عليه كان مش سلبي قوي
– عشان كل حد فينا الماده الخام بتعته غير التاني وامكانياته غير التاني فامكانياتنا المختلفه بتخلي نتايجنا في اي حاجه مختلفه فماينفعش اقارن اتنين مختلفين بشخصيتين مختلفين بامكانيات مختلفه ومواهب مختلفه ببعض ، ده هايبقى ظلم شديد للمقارنه ومش هايخليها عادله
– ماينفعش اقارن نفسي بحد تاني لاني ” مش عارف هو ابتدأ السباق والمشوار امتا :)” لانه جايز يكون بدأ رحلة التغير والتطوير من نفسه قبلي بفتره كبيره فعشان كده قطع جزء كبير م المشوار قبلي فوصل للحته اللي هو فيها احسن قبلي ، وانا لسه باديء مشواري قريب ، فده معنا اننا احنا الاتنين حلوين ومميزين 🙂 وكل حد بيطور في نفسه وكل حد في مميزات غير التاني “بس” في اختلاف في التوقيت اظهر الاختلاف ده تطور وتغير في شخص عن شخص تاني
مهم جدااااا اقارن، بس اقارن ايه؟ ومين؟ وامتى؟
” اقارن نفسي ب نفسي”
اقارن نفسي “دلوقتي” بنفسي “من فتره قبل كده ”
واسال الاسئله دي
– انا اتطورت في ايه ؟
– انا وصلت للي انا فيه ده ازاي ؟
– ايه التغير اللي كنت واخد فيه قرار اني لازم اتغيره وفعلا خدت فيه خطوات
** افتكر انك لو خدت ٣ خطوات لقدام ورجعت منهم خطوتين ورا 🙁 ، فماتزعلش عشان كده انت نجحت في انك اتقدمت خطوة عن اللي كنت فيها
“نجاحك مايتقسش بالحجم اللي نجحته، لكنه يتقاس بالفرق اللي عملته مقارنه وضعك الحالي ب قبل كده”
علشان كده كمل طريقك من غير مقارنات ✌?
