الخوف الزايد من انك تفشل للاسف هايسببلك الحاجات دي ?
١- هوس الكمال
يعني يبقى عندك “هسهس” ملازمك طول الوقت ، مستني من نفسك انك تنجح دايما دايما وبأعلى كفاءة كمان ،فيحصل انك تفشل في حاجه فاتحس انها نهاية المطاف وخلاص مالكش لازمه ، مع ان احتمال الفشل وارد جدا عند كل الناس ، اللي عنده الهسهسه دي دايما بيأجل الفرحه يخاف يفرح حتى ويأجل فرحته منتظرا انه يكون كاملاً تماما ( وده طبعا مش هايحصل لان الكمال لله بس وحده )
٢- يحصل انك تتجنب المخاطرة
فلانك خايف من الفشل فتقول ” خليني بعيد احسن ، اللي نعرفه احسن م اللي مانعرفهوش ” وهاتمشيها طول حياتك تقليدي ومش هاتفكر في اي افكار مبدعه وخلاقه وتعيش عمرك كله بتعمل بس اللي متاكد من نتيجته وتتجنب كل ما هو جديد
٣- الكسل وعدم الاحساس بالمسؤلية
خوفك الزايد م الفشل هايخليك فاقد تماما الدافع في الحياة ، بتفضل الانسحاب والابتعاد من الحياه ، السلبيه عدم المشاركه والمبادره مع اخرين او حتي مبادرتك لحاجه جديده ” دايما راجع ورا يعني”
٤- مشكلات في العلاقات
الخوف الزايد من الفشل ، هايوتر علاقاتك بالناس ، لانك دايما هاتبقى عايزهم مايغلطوش ولا غلطه وهاتحسسهم دايما انهم هما المسؤلين عن الفشل اللي حصل ، هاتفقد علاقاتك بالناس القريبين لان مابقاش لهم وقت في حياتك لانك مركز انك تنجح وبس ، من كتر كلامك عل النجاح النجاح النجاح هاتحسس الناس انهم ادوات انت بتستغلها عشان توصل للنجاح اللي عايزه ، فده هايخسرك علاقات
٥- ادمان النجاح
الخوف الزايد من الفشل ، تصبح مدمن تتعاطى حبوب النجاح لان نجاح امبارح مش هايقضيك ، هاتفضل عايز نجاح اكتر واكتر فاتضيح حياتك كلها تدور علي نجاحك وتضيع باقي جوانب الحياه التانيه ( الاسره ، العلاقات ، علاقتك بالله ، …) ، ولو تعرضت لأي فشل طبيعي هتصاب باكتئاب شديد ، او ممارسة سلوكيات قهريه زي انك تاكل كتير او تمارس سلوكيات جنسيه ، وتعتبرها ان ده هايقلل حجم الالم اللي اتعرضتله بسبب الفشل
* ازاي تاخد خطوات عمليه للنجاح
١- خد خطوة جريئة ما اخدتهاش قبل كده تقوي قلبك وتشجعك انك تاخد خطوات تاني جديده بعدين ” طبعاً هاتلاقيها صعبه في الاول لكن عن تجربه … هاتتبسط وتحس بالانجاز”
٢- ثابر، يعني خلي عندك طولة بال واستمراريه ف الحاجه اللي قررت تبدأها ” حتى لو عصلجت معاك ف الاول بارضه كمل ?”
٣- املى قلبك بالمحبه، محبة الله ومحبة الناس هاسندوك قوي قوي ويساعدوك في سكتك
٤- اعرف ان النجاح ..
– مشوار طويل جايز يمكن محتاج عمرك كله عشان تحققه
– النجاح له مواسم فا ممكن تنجح لكن تلاحظ نجاحك بس فتره مش في وقتها
– النجاح بيختلف من شخص لاخر لان امكانياتنا مختلفه عن بعض فااياك والمقارنه
– النجاح هو انك تعرف تستغل مواهبك وقدراتك وامكانياتك
